Ek is ’n ywerige Weg- en WegRy-leser en het gevoel dis tyd om ’n 4x4 aan te skaf. Ek was eintlik op soek na ’n diesel-Nissan, maar het ook gekyk na die Mitsubishi Triton en Ford- of Mazda-diesel.
    ’n Diesel is mos soos ’n donkie – jy kry soveel meer uit hom as die pad moeilik raak én hy gebruik minder brandstof. Maar my skoonpa het besluit om sy petrolbakkie te verkoop en omdat ek die voertuig se verlede ken, het ek besluit om sy bakkie te koop.

Die klein dingetjies wat hom so gemaklik maak, soos die elektriese vensters en lugreëling. Die sitplekke is gemaklik en ondersteun ’n mens goed, veral as jy in die veld ry en die bakkie skud.
    Ek is ook beïndruk met sy veldryvermoë. Ek het hom nog nie baie in vierwielaandrywing gesit nie, maar die bietjie wat ek ervaar het, was uitstekend. Ander ouens met wie ek gepraat het, sê sy 4x4-be-kwaamheid gee ’n mens gemoedsrus op moeilike roetes. Ek wil die vakansie ’n 4x4-opleidingskursus bywoon sodat ek die volle potensiaal van die voertuig kan benut.

’n Mens sou dit beswaarlik ’n toermotor noem. My vorige motor was ’n Audi A4 en ek raak nog gewoond aan die bakkie – dis heeltemal anders, maar steeds gemaklik. As die pad mooi gelyk is, ry hy lekker.
    Ek probeer by die spoedgrens van 120 km/h hou, maar dit verg wilskrag! Hy “cruise” gemaklik so teen 140 km/h. Dis ’n plesier dat jy net jou voet kan neersit as jy ander voertuie verbysteek. Hy het so baie krag dat jy nie nog hoef te sukkel om ratte te wissel nie.
    Hy hanteer ook goed op grondpaaie, behalwe as die pad in ’n baie slegte toestand is. Omdat hy hard geveer is, spring hy effens rond en ’n mens moet klou om hom in die pad te hou.
    Ons vat dit maar stadig in sulke situasies. Dis in elk geval lekker om rustig te ry en die natuurskoon te geniet.

Ja. Hy’s beslis groter binne as die Ford en Triton waarna ek gekyk het. Die agtersitplek het genoeg beenruimte dat passasiers op lang ritte gemaklik kan sit.

’n Bietjie dorser as wat ek gedink het hy gaan wees. Sy gemiddeld is sover 12,8 liter/100 km. Ek dink die tenk vat so 80 liter en ek kry omtrent 640 km op ’n tenk op die langpad. In die dorp val dit na ongeveer 560 km.

Sy was aanvanklik skepties, veral oor die petrolverbruik. Maar ek dink sy is nou amper maller oor die voertuig as ek!

Darem nog nie. Sy brandstofverbruik is die enigste negatiewe punt.

Ek het al begin beplan om ’n doelgemaakte kappie te bou sodat ons in die bos kan kamp. Die manne wat weet en kan 4x4 ry, sê goeie dinge van Old Man Emu-vering, wat hom glo vaardiger in die veld maak. Ek wil dit laat insit, want ek het die bakkie juis aangeskaf vir daai moeiliker roetes.
 

Beslis. Hy’s groot, sterk en gebou om te hou. Dit bied beslis beter waarde as ’n nuwe Chinese bakkie. Hy’s ook taamlik bekostigbaar om te onderhou. Kyk net wat maak Nissan deesdae in die tydrenne. Dit sê baie van sy produkte.

Ander 4x4-ouens het Steve’s Auto Clinic in Montague Gardens, Kaapstad, aanbeveel om die bakkie te diens. Hulle diens is voortreflik en billik – ek kan hulle rêrig enige tyd aanbeveel. 
     Ek het voorheen ook ’n Nissan besit en ek kon toe nie fout vind met Nissan se diens nie.

Enjin
3 275 cc V6

Grondvryhoogte
220 mm

Tenkgrootte
84 liter

4x4-kenmerke
Agterste ewenaarslot

Topspoed
174 km/h

Krag en wringkrag
125 kW @ 4 800
265 Nm @ 3 60