Verstel ’n rugsak om jóú liggaam te pas
Deur Mark Johnston
Jou slaapsak, long johns, Eveready-flits, Provitas en tweeminuut-noedels is in jou rugsak en daar gaat jy... maar hoekom voel dit asof jy ’n halwe bees en ’n klavier op jou rug dra?
Moenie paniekerig raak nie. Jy’t waarskynlik nog nie die rugsak verstel om by jou lyf te pas nie.
Alle rugsakke se heupgordel is verstelbaar, maar oorweeg ’n rugsak wat ook in sy lengte kan verstel. As die afstand tussen die heupgordel en skouerbande reg is, is die gewig eweredig versprei en dra jy veel makliker. Só doen jy dit.
1. Begin by die heupe
Sit die rugsak op jou rug en trek die heupgordel stywer totdat die sak gemaklik op jou heupe sit.
Maak toe2. Nou die skouers
Voel nou aan die skouerbande. Is dit “los”? En as jy dit stywer trek, is daar steeds ’n effense gaping hier bo by jou sleutelbene? Dan moet jy die sak se ruglengte korter maak. As die skouerbande hard op jou skouers druk, moet jy dit langer maak.
Maak toe3. Herhaal
Haal die rugsak af en verstel die ruglengte totdat dit gemaklik sit. Doen dit ’n paar keer totdat jy doodseker is dit reg. Nou kan jy die Otter lag-lag kafdraf.
Maak toeGepubliseer op 1 November 2009
Kommentaar