Howling Moon Mistral-slaapsak
Lê wyd!
Nadat talle mense met “ ’n voller figuur” glo gekla het dat Howling Moon-slaapsakke effens knap sit, het Campworld gehoor gegee en dié gewilde sakke groter gemaak.
Die Mistral is lekker ruim – 210 x 100 cm – en gebou vir mense met ’n bynaam soos Tenk, Hemelbesem of Sog. Die Mistral is uiteraard ook groter en swaarder as die meeste ander sakke (’n taamlik bonkige 50 x 25 cm as dit opgevou is), maar dit behoort nie ’n probleem te wees as jy met die Hilux viswaters toe wikkel nie.
’n Ander lastigheid met die ou Howling Moon-reeks was dat die afmetings op die sak verwys het na die lengte van die materiaalpanele voordat dit aan mekaar gestik is. Campworld gebruik nou
’n “waregrootte”-gradering.
Vulstof: Sinteties
Temperatuurgradering: 2 ºC
Gewig: 2,58 kg
Prys: Sowat R450 by Campworld-winkels
Kontak: 012 797 7300; www.campworld.co.za
Weg sê: ’n Oulike nuwe “ekstra” is die gaassak wat jy bykry waarin jy die sak vir lang tye kan bêre sonder dat hy muf of bedompig word.
Kommentaar