Carma Quip-selfopblaasmatras
Wat ons van dié matras beïndruk het, is die dik PVC-buitelaag.
Ek vat die woord “selfopblaas” altyd met ’n paar knippies sout, maar dié Carma Quip-matras is regtig ’n blaasoppie. Sodra jy die proppie uittrek, begin hy homself vol lug suig – en binne 30 sekondes is hy reg vir ’n middagslapie.
Die geheime wapen is die binnelaag van hoë-digtheidskuim wat uitsit tot ’n matras van 6 cm dik, met genoeg lêplek (190 x 65 cm) vir ’n tweedespanslot.
Wat ons van dié matras beïndruk het, is die dik PVC-buitelaag. Dit lyk na ’n robuuste produk wat jy agterin ’n bakkie kan gooi vir ’n toer na Botswana. En Carma Quip glo klaarblyklik self daarin: Jy kry ’n tweejaarwaarborg.
Prys: R600
Kontak: Carma Quip 082 345 6878; www.carmaquip.co.za
Weg sê: As dié matras wel ’n gaatjie kry, bly dit ferm danksy die skuimrubber aan die binnekant.
Kommentaar