Die Otterstaproete: Verblyf
Ons tentjies staan amper bo-op die rotse by Stormsriviermond, die Otter se beginpunt.
Villiers Steyn sê waar jy kan bly as jy die Otterstaproete aanpak.
Stormsriviermond:
• Kamp met jou tentjie langs die rotse. Dit het ‘n pragtige uitsig van die see. Hier is geen elektrisiteit nie.
Koste: R190 per staanplek vir 2 mense. Maksimum van 6 mense is R42 bybetaling p.p.
• Bly in ‘n Forest-Hut, met met elektrisiteit vir R295 vir 2 mense.
Nature’s Valley ruskamp:
• Alhoewel jy hier ook kan kamp, stel ek voor julle bly in die Forest-Hutte, aangesien jy nie lus gaan wees vir tent op- en afslaan na die lang stap nie.
Koste: R295 vir twee mense.
Beide Stormsriviermond en die Nature’s Valley-ruskamp is deel van Sanparke en het ordentlike badkamers en opwasgeriewe. Onthou ook dat jy ‘n bewaringsfooi van R25 p.p. per nag moet betaal. Jy hoef nie die bewaringsfooi te betaal as jy ‘n Wild Card het nie.
Kontak:
Sanparke by +27 (0)12 428 9111 van Maandag tot Vrydag tussen 7 vm en 5 nm en op ‘n Saterdag van 8 vm tot 1 nm, of stuur navrae na reservations@sanparks.org.
Kommentaar