Op die Urionskraalpad naby Gifberg is ’n merkwaardige waterval wat van die plato tot in die Troe-Troerivier – 380 meter daaronder – stort.
Kommentaar
Gifberg
Deur Erns Grundling Gepubliseer op 01 Augustus 2010
Laat die gejaagde lewe jou soms voel asof jou binneste ’n vuvuzela-massakoor huisves? Dan is die Gifberg noord van die Sederberg net die plek om te onthou hoe stilte klink.
Dit is nogal lekker om in die donker by ’n onbekende bestemming aan te kom. Nadat die son gaan lê het, sien jy net die vae buitelyne van ’n landskap voordat die nag dit omhels.
As jy Gifberg toe gaan met wiele wat vir meer opgewasse is as net slaggate in voorstedelike teerpaaie, kan jy soos Johan de Smidt maak en ’n maklikrige roete tot by die Doringrivier ry.
Raak rof in ’n 4x4
Wil jy op ’n rivieroewer onder die sterre slaap? Wel, ry dan die 4x4-roete na die Gifberg-rusoord se Bruinkrans-kampeerterrein langs die Doringrivier.
Jy kan die sowat 11 km na die rivier op ’n drafstap kafdraf, en die roete is mak genoeg dat jou wederhelfte nie sal wil uitklim omdat dinge te rof raak nie.
Van die kantoor by die oord af plas jy eers deur die oorloop van ’n dam voordat jy deur uitgestrekte rooiboslanderye ry. Daarna ploeg jy gly-gly deur sand.
Onder by die rivier wag daar ’n uitgestrekte wildernis
Maak jou tent staan op een van die kampeerterrein se sandbanke, maak ’n vuurtjie en ontspan. Of raak verloof…
Die volgende oggend kan jy die rivieroewer stap-stap verken. Daar’s klipspringers wat afkom rivier toe om water te drink, en ’n verskeidenheid voëls, waaronder kormorante en kuifkopvisvangers.
Lees die volledige storie in die Augustus 2010-uitgawe van Weg (#70)
Kommentaar