Ratel

(Mellivora Capensis)

lion

Die ratel het ’n reputasie as een van die aggressiefste diere in Afrika. Die spreekwoord “so taai soos ’n ratel” verklap dat niks hulle stuit nie en hulle het al selfs olifante aangeval.

Dié taai soogdier het ’n interessante verhouding met die heuningwyservoël, wat die ratel roep sodra hy ’n byekorf opgespoor het en hom dan daarheen lei. ’n Dik pels beskerm die ratel teen bysteke en nadat hy die heuningkoeke uitgegrawe het, los hy ’n stuk vir die heuningwyser. Sommige ratels het selfs al met mense so ’n verhouding opgebou.
 

Skouerhoogte:

±30 cm/11,8 duim

Gewig:

8-14 kg/17,6-30,9 pond

Kenmerke:

’n Strook wit pels oor die kop en rug.

Kos:

’n Groot verskeidenheid, soos insekte, ongewerweldes, knaagdiere en voëls. Ratels stroop ook byekorwe vir larwes en heuning.

Habitat:

Baie aanpasbaar, dus enige plek in die Krugerwildtuin.

Sosiale gedrag:

Alleenlopers, pare of klein familiegroepe.

Aktief:

Meestal snags, maar ook vroegoggend of laatmiddag.

 


Terug na die soogdierblad

 
Kyk hier uit vir ratels:

Ratels is baie ontwykend en word selde gesien. Hulle kom oral in die wildtuin voor, maar dis bykans onmoontlik om kampe en paaie aan te beveel. ’n Begeleide nagrit is die beste.

Terug na die soogdierblad

 



© Kopiereg 2012 Weg
Verkeerde besoekersnaam en wagwoord

Wagwoord vergeet?

As jy registreer kan jy:

  • Jou reisstories en -wenke deel.
  • Jou foto's oplaai.
  • Met ander Weg-gers aanlyn gesels.
  • Raad vra.
  • Al jou webgunstelinge stoor.
  • Deel raak van die Weg! -toetspaneel.