Leeu

(Panthera leo)

lion

 Leeus is die grootste katte in Afrika en die enigste een wat werklik sosiaal is – troppe bestaan uit 20 of meer. Dit is een van die gewildste spesies (indien nie die gewildste nie) in die Krugerwildtuin.

Mannetjie
Wyfie
male lion female
Skouerhoogte:

120 cm / 47.2 duim 

 Skouerhoogte:

100 cm / 39.4 duim
Gewigt:

150 - 225 kg / 330 - 496 pond

 Gewigt:

110 - 150 kg / 240 - 330 pond
Kenmerke:

Mannetjies is groter en het maanhare. Hulle rol is voortplanting en die beskerming van die gebied.

 Kenmerke:

Die wyfies jag en beskerm die welpies.


Meer leeu-feite:

Kos:

Meestal groot herbivore soos sebras, blouwildebeeste en buffels. Leeus vang ook kleiner spesies soos rooibokke of steel die vangste van ander roofdiere soos luiperds en gevlekte hiënas.

Habitat:

’n Verskeidenheid wêreldwyd, van woestyne tot savannes, mits die gebied genoeg prooi het. Nie tropiese woude of bergreekse nie.

Sosiale gedrag:

Troppe van 3-30, maar gewoonlik 10-12 in die wildtuin. Troppe kan meer as een volwasse mannetjie hê, ’n paar volwasse wyfies en verskeie welpies.

Aktief:

Leeus jag snags en slaap bedags, soms tot 20 uur aaneen.

Welpies:

1-4 welpies (gewoonlik 3) elke 20-30 maande ná ’n dratyd van 3 en ’n half maande. Welpies word ná 7-9 maande gespeen.

 

Terug na die soogdierblad
 Kyk hier uit vir leeus:

 

Kampe:
Satara
Onder-Sabie
Krokodilbrug
Orpen/Maroela/Tamboti

Paaie:
H10-teerpad
H7-teerpad
S100-grondpad
H4-2-teerpad
H4-1-teerpad

Wenwenke:
Leeus lê graag vroegoggend op die teerpaaie; ry dus vroeg. ’n Begeleide sonsopkomsrit in bogenoemde gebiede is die beste.

Vra ander besoekers of hulle karkasse gesien het, want leeus vreet lank, meer as ’n dag, aan groot karkasse.

Kyk op die kampbord waar ander besoekers leeus gesien het.

Onthou, leeus is snags aktief; ’n begeleide nagrit in leeuwêreld is dus ’n goeie idee.

Kyk na leeufoto’s

lion gallery



© Kopiereg 2012 Weg
Verkeerde besoekersnaam en wagwoord

Wagwoord vergeet?

As jy registreer kan jy:

  • Jou reisstories en -wenke deel.
  • Jou foto's oplaai.
  • Met ander Weg-gers aanlyn gesels.
  • Raad vra.
  • Al jou webgunstelinge stoor.
  • Deel raak van die Weg! -toetspaneel.