Brownies
Raak spoggerig en sif 'n bietjie versiersuiker oor voordat jy dit voorsit.
Beth Allen sê: Ons hele familie vrek hieroor: My ma het dit altyd vir skoolpartytjies gemaak (almal in die klas was jaloers op my!) en deesdae maak ons dogters dit ook gereeld.
Ons deel graag die resep, want die meeste mense raak dadelik verslaaf hieraan.
Eerlikwaar: Ons gaan nooit na ’n natuurreservaat sonder ’n Tupperware-bak vol brownies nie.
Jy benodig
• 1 koppie botter of margarien
• 1 koppie witsuiker
• 1 koppie klam bruinsuiker (melasse)
• 6 opgehoopte eetlepels kakao
• 1 teelepel sout
• 1 teelepel vanieljegeursel
• 4 eiers
• 1 koppie koekmeel
• versiersuiker om bo-oor te sif
Só maak jy
1 Smeltkroes. Smelt die botter in ’n pot op die stoof en haal dit van die plaat af.
2 Warm, maar darem. Gooi al die ander bestanddele by en meng dit tot glad.
3 Pan toe met jou. Skep die beslag in ’n vierkantige koekpan wat goed gesmeer en met meel bestrooi is.
4 So hittete. Bak die brownies vir 15-20 minute teen 180 °C.
5 Koel af. Haal die pan uit die oond, laat dit afkoel en sny dit dan in blokkies.
Weg sê: Raak spoggerig en sif ’n bietjie versiersuiker oor voordat jy dit voorsit.
Kommentaar