Vrugte-en-fetaslaai
'n Groter verrassing kan jy beswaarlik op jou tong kry: Sappig, soet, sout, suur, brand, pikant... heerlik!
'n Groter verrassing kan jy beswaarlik op die tong kry: Sappig, soet, sout, suur, brand, pikant... heerlik! En dan is dié slaai nog iets vir die oog ook. Pleks van die aarbeie en papaja kan jy ook net waatlemoenblokkies gebruik.
Jy benodig (vir 4 mense)
• ½ papaja, geskil en in blokkies gesny
• 200 g aarbeie, middeldeur gesny
• 3 wiele fetakaas, in blokkies gesny
• 1 pakkie (100 g) pistasieneute, afgedop en gerooster
VIR DIE SOUS
• ½ koppie soet rissiesous
(ons verkies Wellington s’n)
• 2 eetlepels fyngekapte mentblare
• sap van 2 lemmetjies (suurlemoen sal ook deug)
Só maak jy
1 Kyk net hoe vrolik! Rangskik die vrugteblokkies op ’n groot slaaibord en sprinkel die feta-kaasblokkies bo-oor.
2 Gee daar ’n kraaksmaak… Sprinkel die neute bo-oor.
3 … en ’n bietjie byt. Meng die bestanddele vir die sous en drup dit eweredig oor die slaai.
Weg sê: Maak maar ’n lekker groot bak hiervan – jou gaste gaan nie ophou voordat hy leeg is nie. (En poeding sal onnodig wees.)
Gelewer op 19 Mei 2010 | 15:19:23
Hierdie slaai is 'n absolute wenner en ek kry soveel komplimente - dankie daarvoor. Hou aan om die beste te wees. Sue Coetzee
Kommentaar