Gerooktemosselsop
'n Stomende pot sop is hemelse trooskos op bibberkoue aande in die kampterrein.
Al die hoofbestanddele van dié sop kom uit ’n blik. Danksy boksmelk en -room kan jy dié luukse seekossop selfs in die Richtersveld aanmekaarslaan.
Jy benodig (genoeg vir 6)
• 1 blik gekonsentreerde hoendersop (350g)
• 2 blikke gerookte mossels (105g), gedreineer en fyngedruk
• 1 tamatie, gekap
• 1½ koppie melk
• 1½ koppie water
• 1 koppie room
• ½ teelepel droë, gemengde kruie
• 4 eetlepels koekmeel
• 2 eetlepels sjerrie (opsioneel)
• ’n knippie suiker
• sout en peper na smaak
Só maak jy
1. Pot toe. Bring die hoendersop, fyngedrukte mossels, tamatie, melk en water tot kookpunt. Haal dit van die plaat af.
2. Ryk en romerig. Meng die kruie, meel en room. Gooi dit by die sopmengsel en roer dit oor lae hitte totdat dit warm is, maar nie kook nie. Haal dit van die plaat af en gooi die sjerrie en suiker by.
Gelewer op 6 April 2010 | 09:10:48
Ons was die naweek in Pilanesberg en ek het dit gemaak. Dis een van die beste resepte wat ek nog probeer het. My familie wil nou dat ek dit sommer elke reenerige dag maak. Maak maar die resep dubbel, want hulle verslind dit baie vinnig! Gys
Kommentaar