Koop groente by ’n boeremark
Om na ’n boeremark te gaan voel soos die begin van ’n vakansie. Jy klim in die motor as die hemel nog pers is en word stadigaan wakker.
Ek draai kwart voor ses by die Pioniersmuseum in Silverton in. ’n Oom en tannie kom uitgestap; klaar gekoop. Binne hap besoekers aan vetkoeke so groot soos jou hand. “Ek wil net welkom sê aan al die Blou Bul-ondersteuners,” sê die aankondiger weer oor die luidsprekers wat in die boom hang.Ek stap uit met avokado-olie, pampoenpitte, Hollandse kaas, kampioenwors en tien Barbertonse madeliefies vir my ma, al het ek eintlik gekom net om te kyk. Alles saam kos minder as R100. – Anim van Wyk
Kontak: 082 416 3900
Weg sê: Vind uit waar jou naaste een is en staan saam met die hoenders op. Waar anders kan jy twee slaaikoppe vir R4 koop?
Gelewer op 17 Januarie 2010 | 21:39:57
Koop gerus die plaaslike koerant met jou volgende naweek-wegbreek - baie dorpe adverteer deesdae hulle eie boeremarkte waar mens heerlike vars groente en vrugte kan koop teen 'n fraksie van die prys in die supermarkte. Ek het Desember by die skougronde op Nelspruit by hulle boeremark 'n hele 5kg sakkie vol avokados vir net R20 gekoop waaraan ons die hele naweek in die wildtuin kon smul - die avo's was organies gekweek en ons kon selfs ons 'carbon footprint' verbeter. Heerlike atmosfeer - so 'n kruis tussen 'n NG kerkbasaar en 'n veiling! Hulle hou dit die laaste Saterdag van die maand. Enigste probleem: Jy moet redelik vroeg daar wees, want teen 11-uur pak almal op.
Gelewer op 17 April 2009 | 16:11:58
Jy mag nie daar uitloop sonder 'n R10-bakkie pap&kaiings plus 'n beker lekker moerkoffie met so 'n skeut "wha !" daarin nie !
Kommentaar