Pluk die vrugte...
Kersies
Klondyke-kersieplaas, 35 km van Ceres af.
Wanneer? Laaste week van November tot einde Desember.
Koste: R40 per kilogram
Kontak: 023 312 1521
Appelkose
Burton’s Farm, 9 km van Citrusdal af.
Wanneer? Gewoonlik in die laaste twee weke van Desember. ’n Mens kan appelkose net vir omtrent tien dae van die jaar pluk; bel dus om te hoor wanneer hulle reg is.
Kontak: 022 921 3337
Druiwe
Iconos-plaas, 18 km van Upington af op die Olifantshoekpad.
Wanneer? Middel November tot middel Februarie.
Koste: Wissel van seisoen tot seisoen.
Kontak: 083 440 0170
Bessies
Bon-Af-bessieplaas by Parys. Jy kan vir ’n toer gaan van die plaas se 9 000 bessiebome (frambose, brame, bloubessies en swartbessies) en 65 kultivars.
Wanneer? November tot April
Koste: R30 vir die toer, R120 per kilogram bessies om huis toe te vat. (Wat jy in die boorde eet, is verniet.)
Kontak: 056 811 3966
Aarbeie
Tangaroa-plaas by die Hartebeespoortdam, 18 km van Broederstroom af.
Wanneer? Tussen middel September en middel Desember elke naweek en vakansiedag, 10.30 vm. tot 4 pm..
Koste: Toegang R30 per volwassene en R20 per kind; ongeveer R4 per kilogram vir die aarbeie.
Kontak: 012 207 1116
Kommentaar