Varkworsies met botterboontjies
Deur 
Marlene van Eeden
Jy benodig (genoeg vir 4-6 mense)
• 8 varkworsies
• 2 groterige uie, gekerf
• ½ pak spek, in stukkies gesny
• 2 koppies droë appelsider
• 2 blikke (410 g elk) botterbone, gedreineer
• 'n handvol gekapte pietersielie
Só maak jy
1 Braai die worsies in ‘n swaar pot.
2 Haal dit uit en braai in dieselfde pot die uie en spek totdat dit mooi bruin is.
3 Sny die worsies in stukke en gooi terug in die pot. Voeg die appelsider by en laat prut vir sowat 35 minute.
4 Voeg die botterbone by en kook vir nog 15 minute. Strooi die pietersielie oor.
5 Dien op met baie rys. Of romerige kapokaartapels.
Marlene sê: Kweek jou eie pietersielie as jy kan. Droëpietersielie is feitlik nutteloos. Los dit op die winkelrak. Koop liewer 'n vars bos en hou soos blomme in die water.
Nóg eenskottelgeregte:
Murgpampoentjie-en-maalvleisskottel + VIDEO
Lamstjop-en-aartappelgebak
Stadige spesery-hoender + VIDEO
Gelewer op 16 Maart 2011 | 22:41:01
Klink lekker. Die bestandele verwys glad nie na appelsider nie. Hoeveel ? Dries
Gelewer op 3 September 2010 | 21:18:00
Ek vrek oor 'n varkworsie - en die klink soos vrek!
Kommentaar