Lamstjop-en-aartappelgebak
Hier is die tweede resep in my reeks eenskottelgeregte. En onthou, met een skottel bedoel ek ’n swaar pot, gietyster of yster bedek met emalje.
Jy benodig (Genoeg vir 4-6 mense)
• 6 teelepels olyfolie
• 2 uie, gekap
• 800 g bevrore aartappelwiggies
• 8 lamtjops
• 1 teelepel gedroogde tiemie
• sout en peper na smaak
• ½ koppie hoenderaftreksel
• 3 teelepels tamatiepasta
Só maak jy
1 Voorverhit die oond tot 220 ˚C terwyl jy die olyfolie in ‘n oondbak verhit.
2 Roerbraai die uie tot sag. Haal van die plaat af en plaas die aartappelwiggies in ‘n enkellaag bo-op die uie.
3 Plaas die tjops bo-op die aartappels en strooi die tiemie oor.
4 Geur na smaak, sprinklel ‘n bietjie olyfolie oor en bak vir 20 minute.
5 Meng hoenderaftreksel met die tamatiepasta en giet rondom die tjops in die bak.
6 Bak nog 10 minute tot goudbruin en gaar.
Nóg eenskottelgeregte:
Stadige spesery-hoender + Stap vir stap VIDEO
Kommentaar