Stokbrood
Kinders is dol oor stokbrood, so laat hulle die deeg om die stokkie draai.
Kinders is dol oor stokbrood. Laat hulle self die deeg om die stokke draai en as hulle oud genoeg is, kan hulle dit self braai ook.
Deeg:
Jy benodig (vir 2 brode)
• 1 kg (7 koppies) witbroodmeel (of gebruik helfte Nutty Wheat en helfte witbroodmeel)
• 2 teelepels suiker
• 1 teelepel sout
• 1 pakkie (10 g) kitsgis
• 1 eetlepel olie
• sowat 2 koppies louwarm water
Só maak jy
1 Almal tesame. Meng die droë bestanddele en gooi genoeg louwarm water by om ’n hanteerbare
deeg te vorm.
2 Spiertier. Knie die deeg tot glad.
3 Op die plek rus. Sit die deeg in ’n gesmeerde bak en bedek dit met kleefplastiek. Laat staan dit
vir 15 minute op ’n warm plek totdat die deeg in volume verdubbel het. Dis nou reg vir gebruik.
Stokbrood:
1 Begin met die repies. Laat die deeg toe om die eerste keer te rys en knie dit dan af. Rol dit
met ’n koekroller uit op ’n meelbestrooide oppervlak tot sowat 15mm dik en sny dit dan in repe.
2 Amper soos malvalekkers. Draai die repe om stewige stokkies en braai dit dan oor matige, grys kole tot goudbruin en gaar. Draai dit deurentyd om. Sodra dit gaar is, sal die stokbrood maklik van die stokkies afskuif.
Weg sê: Jy kan ook die holtes vul met gebraaide wors of botter, appelkooskonfyt en gerasperde kaas.
Gelewer op 4 Februarie 2010 | 15:27:31
Ons maak dit baie by Die Voortrekkers. Dit is lekker en die kinders is mal daaroor.
Kommentaar