Provinsiale reservate bo!
Kampeer in provinsiale reservate – ek sê dit vir almal wat wil luister. Oos-Kaap het ongelukkig sopas hulle tariewe verdubbel maar in die Noordwes kan jy nog in plekke soos Borakalalo vir onder R50 per nag kampeer! Selfs in die Wes-Kaap kan jy heerlik kampeer in plekke soos De Hoop, vir ’n fraksie van wat dit sal kos om in ’n hotel of lodge of selfs rondawel te bly.
Terug na bestemmings | Terug na bo
Gelewer op 5 Mei 2010 | 13:54:50
Ek en my man was onlangs in Borakalalo Nationale Park. Wat 'n belewenis, daar is ongelooflik baie wild. Renosters(op een wildrit 7 gesien) kameelperde, koedoes, swartwitpense noem maar op. Ons het in die Moretelekamp gekampeer waar die tariewe R 90-00 per persoon per nag is met 'n maksimum van 6 persone per staanplek (vir 6 mense R 540-00 p/nag) wat ek dink nogal ietwat duur is. Ons verblyf in Port Edward vir Desember beloop R 280-00 per nag vir 4 persone! Ek sal natuurlik enige tyd weer in Borakalalo gaan kamp, want dit is regtig 'n ervaring. Daar was tot rooibokkies wat in die aande tussen die tente rondgeloop het en die badkamers is 'n ervaring op sy eie. Riette Lindeque Drie Riviere
Gelewer op 18 Januarie 2010 | 09:54:53
Ons het die Desember hitte getrotseer en in Pilanesberg se Manyane kamp gaan uitspan oor die oujaar. Warm is 'n lou woord vir dié tyd van die jaar vir (Pilanesberg) kamp. Nie te min, ons het regtig lekker gekuier met ons kinders en ons twee kleinseuns. Tog so jammer dat die dames ablusie geriewe sonder warm water moes gaan vanaf wo 27 Des tot Son 3 Jan 2010. Gesien die feit dat mammas die peuters, kleuters ens moet skoon kry in koue water - was dit nogal 'n uitdaging gewees!!! Ons het gaan navraag doen - die gewone antwoord gekry: ons sal dit opvolg. Ons weet natuurlik nie wanneer die opvolgwerk gedoen is nie! Die oujaarsmusiek was oorverdowend en heel 'volksvreemd'. Net gewonder of sulke partytjies wat duidelik gerig was op die' jonger van jaar, moderne tiener' nie dalk in die area gehou kon word vir dagbesoekers nie? Ons het in die kamp rondgeloop en gevind dat die meeste (lw meeste) kampeerders rustig by hulle karavane gebraai het en die oujaar 'ngewag' het met lekker kuier en lekkerder tjoppie in die hand. Marié Botha, Krugersdorp
Kommentaar